Нийгмийн ажилтны өдрийг тохиолдуулан Дархан сумын 18 багийн нийгмийн ажилтнууд Дархан сумын "Энэрэл" цогцолбор сургуулийн хөгжлийн бэрхшээлтэй хүүхдүүдийн суралцдаг анги танхимыг тохижуулахад хувь нэмрээ орууллаа. Тэд нэг өдрийн цалингаараа хүүхдүүдийн хичээл сургалтад хэрэглэгдэх зурагт, үзэг бал, дэвтэр зэргийг авч  /2018.04.30/ хүлээлгэн өгөв. Өнгөрсөн жил Нэгдсэн эмнэлгийн Сүрьеэгийн тасагт шкаф хийлгэн өгч, ариутгалын бодис, амны хаалт, өвчтөнүүдэд витамин амин дэм зэргийг тусламж болгон өгч байсан юм. НИЙГМИЙН САЙН САЙХНЫ ТӨЛӨӨ СЭТГЭЛ ЗҮРХЭЭ ЗОРИУЛАН, ТӨРИЙН АЛБЫГ ТҮШИЛЦЭЖ ЯВАА НИЙТ НИЙГМИЙН АЖИЛТНУУДДАА ХАМТ ОЛНООС НЬ ХАЛУУН ТАЛАРХАЛ ИЛЭРХИЙЛЬЕ. ДАРХАН СУМЫН ЗДТГ.