5 ДУГААР БАГИЙН ЗАСАГ ДАРГЫН АЖЛЫН АЛБАН ХААГЧДЫГ ЧАДАВХЖУУЛАХ СУРГАЛТ ЗОХИОН БАЙГУУЛАГДЛАА 5 дугаар багийн албан хаагчдын харилцаа, хандлага, ёс зүйн мэдлэг боловсролыг дээшлүүлэх, бүтээлчээр хамтран ажиллах, багаар ажиллах чадварыг дээшлүүлэх сургалт 2023 оны 05 дугаар сарын 08-ны өдөр зохион байгуулагдлаа. Тус сургалтаар “Төрийн албан хаагчийн харилцаа хандлага, ёс зүй, манлайлал, багаар ажиллах ур чадвар ” “Харилцааны 5 зарчим” сэдвээр Сайншанд сумын Иргэдийн Төлөөлөгчдийн Хурлын нарийн бичгийн дарга Д.Энхтайван сургалт зохион байгууллаа. Мөн 5 дугаар багийн ажлын албанаас танин мэдэхүйн “АХА” тэмцээн зохион байгуулж 1 дүгээр байранд – Зүүнбаян Эрүүл мэндийн төвийн “Архив, бичиг хэргийн ажилтан” Э.Балжинням 2 дугаар байранд – Дорноговь аймгийн Гэр бүл, Хүүхэд, Залуучуудын хөгжлийн газрын “Хүүхдийн хөгжил, оролцоо хариуцсан мэргэжилтэн” А.Хонгорзул нар тус тус шалгарсан.

ИРГЭДЭД ЭРХ ЗҮЙН БОЛОВСРОЛ ОЛГОХ АРГА ХЭМЖЭЭ ЗОХИОН БАЙГУУЛАГДЛАА Сайншанд сумын Гэмт хэргээс урьдчилан сэргийлэх ажлыг зохицуулах салбар зөвлөлийн үйл ажиллагааг сурталчлан таниулах, гэмт хэрэг, зөрчлөөс урьдчилан сэргийлэх, 5 дугаар багийн иргэдэд эрх зүйн боловсрол олгох, төр-иргэний хамтын ажиллагааг сайжруулах арга хэмжээг 2023 оны 05 дугаар сарын 08-ны өдөр 5 дугаар багт зохион байгууллаа. Тус арга хэмжээ дараах сэдвийн хүрээнд: ГХУСАЗСЗ-ийн үйл ажиллагааны танилцуулга-Сайншанд сумын ИТХ-ын нарийн бичгийн дарга Д.Энхтайван /ГХУСАЗСЗ-ийн нарийн бичгийн дарга/; Хүүхдийн нас, сэтгэл зүйн онцлог- Сайншанд сумын ерөнхий боловсролын лаборатори 2 дугаар сургуулийн сэтгэл зүйч М. Буянцэцэг /ГХУСАЗСЗ-ийн гишүүн/; Хүүхэд хүмүүжлийн эерэг арга- Дорноговь аймгийн Гэр бүл, Хүүхэд, Залуучуудын хөгжлийн газрын Хүүхдийн хөгжил, оролцоо хариуцсан мэргэжилтэн А.Хонгорзул; Замын хөдөлгөөний аюулгүй байдлын талаар мэдээлэл-Дорноговь аймгийн Цагдаагийн газрын Замын цагдаагийн тасгийн дарга, Цагдаагийн хошууч Б.Батцэвэр; Гэмт хэргээс урьдчилан сэргийлэх арга хэмжээ ба иргэдийн хамтын ажиллагаа-5 дугаар багийн Засаг дарга Ч.Бадамлянхуа нар сургалт, мэдээллийг 5 дугаар багийн ажлын албан хаагчид болон иргэдийн дунд зохион байгууллаа.

ЭМЧ НАРЫГ ЧАДАВХЖУУЛАХ СУРГАЛТ ЗОХИОН БАЙГУУЛАГДЛАА Сайншанд сумын Гэмт хэргээс урьдчилан сэргийлэх ажлыг зохицуулах салбар зөвлөлийн 2023 оны төлөвлөгөөнд Гэр бүл, Хүүхэд хамгааллын чиглэлээр сургуулийн өмнөх боловсрол, ерөнхий боловсролын сургуулийн эмч нарыг чадавхжуулах сургалтыг зохион байгуулахаар тусгасан. Үүний дагуу хүүхдийн өвчлөлийг бууруулах, хүндрэхээс урьдчилан сэргийлэх, сургуулийн өмнөх боловсрол, ерөнхий боловсролын сургуулийн эмч нарын эмнэлзүйн мэдлэгийг нэмэгдүүлэх зорилготой тус арга хэмжээг Сайншанд сумын Гэмт хэргээс урьдчилан сэргийлэх ажлыг зохицуулах салбар зөвлөл, Эрүүл мэндийн газар, АНЭ-тэй хамтран “Сургуулийн өмнөх боловсрол, Ерөнхий боловсролын сургуулиудын эмч нарыг чадавхжуулах сургалт”-ыг 2023 оны 05 дугаар сарын 05-ны өдөр зохион байгууллаа. Тус сургалт нь дараах сэдвүүдийн хүрээнд: -“Хүүхдийн өсөлт, хөгжлийн үнэлгээ”; “Аутизм” (АШУҮИС -ийн Дорноговь салбар сургуулийн багш, Хүүхдийн эмч Т.Энхмягмар) -Томуу, томуу төст халдвар (Аймгийн Нэгдсэн эмнэлгийн хүүхдийн зөвлөх эмч Ц.Одончимэг) -Хүүхдийн толгойн өвдөлт (Аймгийн Нэгдсэн эмнэлгийн Мэдрэлийн эмч М.Мөнхзул) -Хүүхдийн хоолны илчлэг, шим тэжээл, технологийн карт (ЭМГ-ын хяналт шалгалтын Улсын байцаагч Н.Нямцэцэг) -Сүүлийн үеийн эмийн мэдээлэл (Монос эмийн үйлдвэрийн эмч, төлөөлөгч С.Мөнхзул, Эм хангамж эм зүйч, төлөөлөгч Г. Эрдэнэсувд) нар тус тус сургалт мэдээлэл хийлээ. ХҮҮХЭД БҮР ЭРҮҮЛ ЭНХ ӨСӨН ТОРНИХ БОЛТУГАЙ

АА БҮЛГИЙН НЭЭЛТТЭЙ ЦУГЛААН ЗОХИОН БАЙГУУЛАГДЛАА Сайншанд сумын Гэмт хэргээс урьдчилан сэргийлэх ажлыг зохицуулах салбар зөвлөлийн ажлын хүрээнд АА бүлгийн үйл ажиллагааны талаарх мэдээллийг харилцан солилцож, иргэдэд түгээн дэлгэрүүлэх зорилгоор 2023 оны 04 дүгээр сарын 17-ны өдрийн 10 цагт АА бүлгийн нээлттэй цуглааныг зохион байгуулж тус цуглаанд сумын Иргэдийн Төлөөлөгчдийн Хурал, Засаг даргын Тамгын газар, Мэргэжилтэний багийн гишүүд зэрэг нийт 70 гаруй иргэд, албан хаагчид оролцсон. Мөн АА бүлгийнхний дунд үйл ажиллагааг идэхижүүлэх зорилгоор уралдаан тэмцээн зохион байгуулж, 4 иргэнийг шагнаж урамшуулсан. Нийгмийн сайн сайхны төлөө иргэдийн сайн дураар эвлэлдэн нэгдсэн АА буюу "Архичид аминчлахуй" бүлгийнхэн, Архи, хорт зуршлаас үүдэн амьдралаа алдаж яваа иргэдэд амьдралын чиг баримжаа олгох, зөв амьдрах хүсэл тэмүүлэл, итгэл олгох, амар тайван, аз жаргалтай амьдралыг бий болгоход туслан дэмждэг сумын хэмжээнд 4 АА-ын бүлэг, 1 давхар хамаарлын бүлэг үйл ажиллагаагаа явуулж байна. АА бүлгийн нээллттэй цуглаан дараах цагийн хуваарийн дагуу зохион байгуулагддаг тул иргэд та бүхнийг нээлттэй цуглаанд оролцохыг урьж байна. "Ухаарлын алхам" бүлэг Даваа -18 цаг Пүрэв -18 цаг Бямба -18 цаг Ням 18 цаг (номтой цуглаан) "Зөв алхам" бүлэг Лхагва -18 цаг Баасан -18 цаг Ням -13 цаг (номтой цуглаан) "Өв" бүлэг Мягмар -18 цаг Пүрэв -18 цаг Ням -10 цаг (номтой цуглаан)

🖋️Сайншанд сумын гэмт хэргээс урьдчилан сэргийлэх ажлыг зохицуулах салбар зөвлөлийн бүрэлдэхүүнийг дараах гишүүдээр шинэчлэн байгуулж, Гэмт хэргээс урьдчилан сэргийлэх арга хэмжээг олон нийтэд хүргэх, Гэр бүлийн хүчирхийлэл, хүүхдийн эсрэг гэмт хэрэг, зөрчлөөс урьдчилан сэргийлэх, Замын хөдөлгөөний аюулгүй байдлыг хангах, зам тээврийн осол, хэргээс урьдчилан сэргийлэх, Архидан согтуурахтай тэмцэх гэсэн 4 зорилтын хүрээнд 16 арга хэмжээг хийж хэрэгжүүлэхээр 2023 оны төлөвлөгөөгөө баталлаа. Зөвлөлийн бүрэлдэхүүнд Гэмт хэргээс урьдчилан сэргийлэх ажлыг зохицуулах салбар зөвлөлийн дарга 1. А.Энхзаяа (Сумын Иргэдийн Төлөөлөгчдийн хурлын дарга) Нарийн бичгийн дарга 2. Д.Энхтайван (Сумын Иргэдийн Төлөөлөгчдийн Хурлын нарийн бичгийн дарга) Гишүүдэд 3. Ш.Чулуунцэцэг (Сумын Засаг даргын Тамгын газрын Нийгмийн бодлогын тасгийн дарга) 4. Г.Доржханд (Сумын Засаг даргын Тамгын газрын Төрийн захиргаа хууль эрх зүйн тасгийн хууль зүйн мэргэжилтэн) 5. Ч.Ганзориг (Аймгийн Цагдаагийн газрын гэмт хэргээс урьдчилан сэргийлэх ажил хариуцсан чиглэлийн ахлах мэргэжилтэн, Цагдаагийн хошууч) 6. У.Энхбаяр (Нэгдсэн эмнэлгийн дарга) 7. Д.Батням (Шүүхийн шийдвэр гүйцэтгэх газрын Хорихоос өөр төрлийн ял эдлүүлэх ажиллагаа хариуцсан ахлах шийдвэр гүйцэтгэгч, Дэслэгч) 8. Б.Энхтуяа (Гэр бүл, хүүхэд, залуучуудын хөгжлийн газрын захиргаа, хүний нөөц хариуцсан ахлах мэргэжилтэн, Хүүхдийн эрхийн Улсын байцаагч) 9. М.Буянцэцэг (Ерөнхий боловсролын 2 дугаар сургуулийн Сэтгэл зүйч)

Сайншанд сумын Иргэдийн Төлөөлөгчдийн Хурлаас "Намайг алгас" аяны хүрээнд автобусны буудлуудад зурагт самбарыг байрлуулан иргэдэд мэдээллийг түгээж нөлөөллийн арга хэмжээг зохион байгууллаа.

“ХҮҮХДИЙН ЭРХИЙН ЗӨРЧИЛ, ТҮҮНИЙГ ШИЙДВЭРЛЭХ АРГА ЗАМ” ИЛТГЭЛИЙН УРАЛДААНЫГ ЗОХИОН БАЙГУУЛЛАА

“ХҮҮХДИЙН ЭРХИЙН ЗӨРЧИЛ, ТҮҮНИЙГ ШИЙДВЭРЛЭХ АРГА ЗАМ” ЭСЭЭ БИЧЛЭГИЙН УРАЛДААНЫ ШИЛДГҮҮДИЙГ ТОДРУУЛЛАА

✍️Хүүхэд хамгаалалын тухай хуулийн хэрэгжилт, хүүхдийн эрхийн зөрчил, түүнийг илрүүлэн тогтоох, хүүхдийн эрхийг хамгаалах чиглэлээр анхаарах асуудлыг хүүхдийн дуу хоолойгоор дамжуулан сонсох, хүүхдүүд үзэл бодлоо чөлөөтэй илэрхийлэх боломжоор хангах зорилгоор ЕБС-ийн 10-12 дугаар ангийн хүүхдүүдийн дунд “ХҮҮХДИЙН ЭРХИЙН ЗӨРЧИЛ, ТҮҮНИЙГ ШИЙДВЭРЛЭХ АРГА ЗАМ” эсээ бичлэгийн уралдааныг зарлаж байна. 👉10-12 дугаар ангийн сурагчдыг идэвхтэй хамрагдахыг уриалж байна.