МЭНДЧИЛГЭЭ Өргөсөн тангарагтаа үнэнч байж, ард түмэн, эх орноо батлан хамгаалах үүргээ нэр төртэй биелүүлж буй нийт генерал, офицер, ахлагчид, хугацаат цэргийн алба хаагчдадаа Монгол цэргийн өдөр, орчин цагийн Зэвсэгт хүчин үүсэж хөгжсөний 102 жилийн ойн баярын мэндийг дэвшүүлье! ХҮНДЭТГЭСЭН: САЙНШАНД СУМЫН ИРГЭДИЙН ТӨЛӨӨЛӨГЧДИЙН ХУРЛЫН ДАРГА А.ЭНХЗАЯА

САЙНШАНД СУМЫН ИРГЭДИЙН ТӨЛӨӨЛӨГЧДИЙН ХУРЛЫН ТӨЛӨӨЛӨГЧДИЙГ ЧАДАВХЖУУЛАХ СУРГАЛТАД ХАМРУУЛЛАА Иргэдийн Төлөөлөгчдийн Хурлын Төлөөлөгчийн манлайлах, чадварыг дээшлүүлэх, Монгол Улсын засаг захиргаа, нутаг дэвсгэрийн нэгж түүний удирдлагын тухай хуулийн шинэчилсэн хуулийн дагуу чиг үүрэг, үйл ажлаа чанартай, өгөөжтэй болгох, иргэд, сонгогчдын эрх ашгийг оновчтой илэрхийлэх, хурлын хорооны ажилд оролцох, оролцоог өөрчлөн сайжруулах зорилгоор Монгол Нутгийн Удирдлагын Холбоотой хамтран Сайншанд сумын Иргэдийн Төлөөлөгчдийн Хурлын төлөөлөгчдийг чадавхжуулах сургалтад хамрууллаа. Үүнд: 1. Орон нутгийн төсөв санхүүгийн асуудал (МНУХ-ны сургагч багш Ц.Долоонжин) 2. Байгалийн нөөц ашигласны төлбөрийн тухай хуулийн хэрэгжилт (Байгаль орчны яам, нэгдсэн үндэстний байгууллагын хөтөлбөр хариуцсан зохицуулагч Л.Цэрэнлхам) 3. Монгол Улсын засаг захиргаа, нутаг дэвсгэрийн нэгж түүний удирдлагын тухай хууль ба Иргэдийн Төлөөлөгчдийн Хурлын Төлөөлөгчдийн манлайлал (Сургагч багш Т.Нямсүрэн) 4. Төлөөлөгч хэрхэн ажиллах вэ (МНУХ-ны ажлын албаны дарга, сургагч багш П.Янжинлхам) Мөн Сайншанд сумын Иргэдийн Төлөөлөгчдийн Хурлын Төлөөлөгчид Монгол Улсын Төрийн ордны үйл ажиллагаатай танилцаж, ёслол хүндэтгэлийн танхимд дурсгалын зураг татууллаа.

ХЭЛЭЛЦҮҮЛЭГ ЗОХИОН БАЙГУУЛАГДЛАА Улс төрийн Боловсролын Акедеми, ШУА-ийн Философи социологийн хүрээлэнгийн эрдэмтэдтэй хамтран Монгол Улсын гадаад харилцааны өнөөгийн байдал, үүний дотор хоёр хөршийн асуудлыг онцлон судалж, хөрш орнуудтай хөгжүүлэх хамтын ажиллагааны талаар харилцан мэдээлэл солилцох ярилцлага Сайншанд сумын Иргэдийн Төлөөлөгчдийн Хурлын ажлын алба, Төлөөлөгчид, Багийн Иргэдийн Нийтийн Хурлын дарга, сумын Засаг даргын Тамгын газрын мэргэжилтнүүдийн дунд зохион байгуулагдлаа.

САР ШИНИЙН МЭНДЧИЛГЭЭ Нутгийн зон олондоо XVII жарны "Үзэсгэлэн болгогч" хэмээх "Усан туулай" жилийн сар шинийн баярын мэнд дэвшүүлье. Хатуу өвөл харьж, урин хавар айсуй Хамаг бэрхшээл үлдэж, угтах баяр айсуй Буурал жил улирч, буянт жил морилох нь Өвгөн жил харьж, өлзийт жил золгох нь Дорнын зурхайгаар мөрөө гаргаж Долоон бурхандаа дээжээ өргөж Дээдэс өвгөддөө хүндэтгэн золгож Дүүрэн жаргалтай түвшин амгалан Сар шинэдээ сайхан шинэлээрэй! САЙНШАНД СУМЫН ИРГЭДИЙН ТӨЛӨӨЛӨГЧДИЙН ХУРЛЫН ДАРГА А.ЭНХЗАЯА

2023.02.10 /ӨНӨӨДӨР/ МОНГОЛ УЛСЫН ИХ ХУРЛЫН ГИШҮҮН Б.ДЭЛГЭРСАЙХАН, Т.ЭНХТҮВШИН НАР САЙНШАНД СУМЫН ТӨРИЙН АЛБАН ХААГЧИД БОЛОН СУМЫН ИРГЭД, ХӨДӨЛМӨРЧИДТЭЙ УУЛЗАЛТ ЗОХИОН БАЙГУУЛЛАА 🖋УИХ-ын гишүүн Дэлгэрсайхан, УИХ-ын гишүүн Т.Энхтүвшин, аймгийн Засаг дарга О.Батжаргал, аймгийн ИТХ-ын дарга Б.Ганзориг, Сайншанд сумын ИТХ-ын дарга А.Энхзаяа, сумын Засаг дарга бөгөөд хотын захирагч Ч.Түвшинтөр нар Сайншанд сумын 300 гаруй төрийн албан хаагчид болон сумын 1, 2, 3, 4, 6, 7, 8 дугаар багийн иргэд, хөдөлмөрчидтэй уулзаж, 2022 оны намрын чуулганаар баталсан хууль тогтоомж, 2023 оны хаврын чуулганаар хэлэлцэх хуулиудын талаар мэдээлэл өгч, төрийн болон төсөвт байгууллагын өмнө тулгамдсан асуудалтай танилцан, албан хаагчид, иргэд, хөдөлмөрчидөөс санал, хүсэлтийг сонслоо. 🖋Уулзалтын үеэр аймгийн Засаг дарга О.Батжаргал цаг үеийн шинжтэй асуудлуудаар албан хаагчдад мэдээлэл хийж, тэдний асуултад холбогдох чиг үүргийн агентлагийн удирдлагыг байлцуулж бодит хариулт, тайлбар өглөө. Мөн төрөөс баримталж буй бодлогын хүрээнд орон нутагт төрийн албанд тулгамдаж байгаа бэрхшээл, гарц, боломж, шийдлийн талаар харилцан санал солилцлоо. 🖋Төрийн албан хаагчидтай хийсэн уулзалтыг тохиолдуулан эрхэлсэн салбартаа үр бүтээлтэй ажилласан нэр бүхий иргэдэд Төрийн одон, медаль гардуулж, Аймгийн Засаг даргын “Хөгжлийн төлөө хамтдаа-2” үйл ажиллагааны хөтөлбөрийн хүрээнд эрүүл мэндийн тусламж үйлчилгээний чанар, хүртээмжийг сайжруулах, хүлээгдэл чирэгдлийг бууруулах зорилгоор аймгийн Нэгдсэн эмнэлгийн дата сервер, сүлжээний тоног төхөөрөмжийг шинэчлэх ажилд 64,1 сая төгрөг, 13 сая төгрөгийн үнэ бүхий иж бүрэн 5 компьютерын дэмжлэг үзүүллээ. 🖋Сайншанд сумын иргэд, хөдөлмөрчдөд “Хөгжлийн төлөө хамтдаа-II” аймгийн Засаг даргын үйл ажиллагааны хөтөлбөрийн хэрэгжилтийг танилцуулж, орон нутгийн цаг үеийн байдал, бүтээн байгуулалтын ажилтай танилцаж, өвөлжилт хүндэрсэнтэй холбогдуулан малчин өрхүүдэд өвс, тэжээлийн дэмжлэг үзүүлэн ажиллалаа.

🥇 ДОРНОГОВЬ АЙМАГ ӨРСӨЛДӨХ ЧАДВАРЫН ҮНЭЛГЭЭГЭЭР 2 ЖИЛ ДАРААЛАН ТЭРГҮҮЛЛЭЭ Эдийн засгийн бодлого, өрсөлдөх чадварын судалгааны төвөөс өнөөдөр (2023.02.01) Монгол Улсын 21 аймгуудын өрсөлдөх чадварын 2022 оны тайланг танилцууллаа. Аймгуудын өрсөлдөх чадварын ерөнхий үнэлгээгээр Дорноговь аймаг тэргүүлж, Орхон, Дархан-Уул, Өмнөговь, Говьсүмбэр, Сэлэнгэ аймгууд 2, 3, 4, 5, 6-рт эрэмбэлэгдлээ. 🇲🇳 Монгол Улсын 21 аймгийн хөгжил, өрсөлдөх чадварыг ✒️ Эдийн засгийн тамир тэнхээ, ✒️ Засаглалын үр ашиг, ✒️ Бизнесийн орчин, хөрөнгө оруулалт, ✒️ Дэд бүтэц гэх үндсэн 4 бүлгийн нийт 174 шалгуур үзүүлэлтээр тооцож шалгаруулахад ДОРНОГОВЬ аймаг нь Монгол Улсын хэмжээнд 21 аймгаас: - 2017 онд VIII байр, - 2018 онд IV байр, - 2019 онд III байр, - 2020 онд II байр, - 2021 онд I байр - 2022 онд I байранд эрэмбэлэгдэж, жилээс жилд эрэмбээ ахиулсаар, тэргүүн байраа бататгаж чадлаа.

"Монгол бичгийн үндэсний хөтөлбөр-III"-ыг хэрэгжүүлэх болон Төрийн албан хэргийг 2025 оноос хос бичгээр хөтлөн явуулах бэлтгэл ажлын хүрээнд Хэлний бодлогын үндэсний зөвлөлөөс Дорноговь аймгийн төрийн албан хаагчдын үндэсний бичгийн мэдлэгийг дээшлүүлэх зорилгоор төрийн албан хаагчдаас үндэсний бичгийн түвшин тогтоох сорил авч, үндэсний бичгийн цахим бичвэр боловсруулах сургалт зохион байгуулагдлаа. Тус сургалтад Сайншанд сумын Иргэдийн Төлөөлөгчдийн Хурлын албан хаагчид хамрагдлаа. ✅Сургалтыг танхим болон онлайн хосолсон хэлбэрээр зохион байгуулсан бөгөөд сургалтад 380 гаруй төрийн албан хаагчид хамрагдлаа. Сургалтын үр дүнд нийт төрийн албан хаагчид үндэсний бичгээр цахим бичвэр боловсруулж, цахим орчинд бичих чадварт суралцсан. ✅Мөн цаашид үндэсний бичгээ хэрэглээ болгон архив албан хэргээ хөтлөх, түгээн дэлгэрүүлэх аянд нэгдэцгээлээ.

ГАЗРЫН САЛБАРЫН БАГЦ ХУУЛИЙН ТӨСЛИЙН НЭЭЛТТЭЙ ХЭЛЭЛЦҮҮЛЭГ ЗОХИОН БАЙГУУЛАГДЛАА ____________________________________________ Тус хэлэлцүүлэгт Сайншанд сумын Иргэдийн Төлөөлөгчдийн Хурлын төлөөлөгчид оролцлоо. ✅Газрын ерөнхий хуулийн төсөл ✅Монгол улсын иргэнд газар өмчлүүлэх тухай хуулийн төсөл ✅Газрын төлбөрийн тухай хуулийн төсөл ✅Кадастрын тухай хуулийн төсөл ✅Геодези, зураг зүйн тухай хуулийн төсөл ✅Хот багуулалтын тухай хуулийн төсөл ✅Нийгмийн зайлшгүй хэрэгцээнд зориулан газар чөлөөлөх тухай гэсэн 7 хуулийн шинэчилсэн найруулгын төслүүдийг иргэн, хуулийн этгээдэд танилцуулж, санал авч, өгсөн саналыг нэгтгэж хуулийн төсөлд тусгуулна. Газрын багц хуулийн төсөлд QR код уншуулж санал өгөх боломжууд: https://dornogovi.gazar.gov.mn/ https://d.parliament.mn/ дээрх 2 хаягаар хандаж өгөх, мөн доорх QR кодыг уншуулан саналаа өгөх боломжтой.

САЙНШАНД СУМЫН ЗАСАГ ДАРГЫН "ХӨГЖЛИЙН ТӨЛӨӨ ХАМТДАА-2" ТАЙЛАНТ УУЛЗАЛТ БОЛЛОО Сайншанд сумын Засаг даргын "ХӨГЖЛИЙН ТӨЛӨӨ ХАМТДАА-2" тайлант уулзалтад Сайншанд сумын Иргэдийн Төлөөлөгчдийн Хурлын төлөөлөгчид оролцлоо.

📒СУРГАЛТ ЗОХИОН БАЙГУУЛЛАА ✒️Авлигын эсрэг хууль түүний ойлголт, Хөрөнгө орлогын мэдүүлэг гаргахад анхаарах зарим асуудал, Хувийн ашиг сонирхлын урьдчилсан мэдүүлэг, мэдэгдэл тайлбар гаргахад анхаарах зарим асуудлууд сэдвээр 2023 оны 01 дүгээр сарын 06-ны өдөр сумын Иргэдийн Төлөөлөгчдийн Хурлын нарийн бичгийн дарга Д.Энхтайван ХАСХОМ-ын мэдүүлэг гаргагчдад сургалт зохион байгууллаа.

🇲🇳ДОРНОГОВЬ АЙМГИЙН САЙНШАНД СУМЫН ИРГЭДИЙН ТӨЛӨӨЛӨГЧДИЙН ХУРЛЫН ЭЭЛЖИТ 11 ДҮГЭЭР ХУРАЛДААН 2022 ОНЫ 12 ДУГААР САРЫН 14-НИЙ ӨДӨР БОЛЛОО. ХУРАЛДААНААР ДАРААХ АСУУДЛУУДЫГ ХЭЛЭЛЦЭН БАТАЛЛАА. 1. Сайншанд сумын Засаг даргын “Хөгжлийн төлөө хамтдаа-2” үйл ажиллагааны хөтөлбөрийн хэрэгжилтийн явцын тайланг хэлэлцэж, үнэлгээ өгөх 2. Сайншанд сумын Иргэдийн Төлөөлөгчдийн Хурлын тогтоолын хэрэгжилтийн тайланг хэлэлцэж, үнэлгээ өгөх 3. Сайншанд сумын 2022 оны төсөвт зохицуулалт хийх тухай 4. Сайншанд сумын 2023 оны төсөв батлах тухай 5. "Тохижилт-Сайншанд” хот тохижилтын газрыг татан буулгаж, чиг үүргийг шилжүүлэх тухай 6. Сайншанд сумын 2023 оны газар зохион байгуулалтын төлөвлөгөө батлах тухай 7. Төсөвт байгууллагуудын хөрөнгийг акталж данснаас хасах, хөрөнгийн өртөг нэмэгдүүлж, ашиглалтын хугацаа сунгах тухай 8. Сайншанд сумын багуудын нутаг дэвсгэрийн заагийг баталгаажуулах, өөрчлөлт оруулах саналыг дэмжих тухай 9. Орон нутгийн хөгжлийн санд хяналт тавих хяналтын хороог шинэчлэн байгуулах тухай 10. Хороодын тайланг сонсож, Хурлын хороодын бүрэлдэхүүнийг өөрчлөн шинэчлэх тухай 11. Иргэдийн Төлөөлөгчдийн хурлын 2022 оны үйл ажиллагааны тайлан танилцуулах тухай 12. Бусад асуудал

Сумын Иргэдийн Төлөөлөгчдийн Хурлын төлөөлөгчдийн хууль, эрх зүйн мэдлэгийг дээшлүүлэх зорилгоор Хөдөлмөрийн харилцаа, түүний зохицуулалт сэдвээр аймгийн үйлдвэрчний хорооны дарга С.Азжаргал, Монгол Улсын Хүний эрхийн үндэсний комиссын бүтэц, бүрэлдэхүүн,үндсэн чиг үүрэг, Хүний эрхийн ойлголтууд сэдвээр Монгол Улсын хүний эрхийн комиссын Дорноговь аймаг дахь ахлах шинжээч Т.Мөнгөнчулуун нар сургалтыг зохион байгууллаа. Дээрх сургалтад танхимаар 7, цахимаар 18 төлөөлөгч оролцож эрх зүйн мэдлэгээ дээшлүүллээ.

САЙНШАНД СУМЫН ИРГЭДИЙН ТӨЛӨӨЛӨГЧДИЙН ХУРЛЫН ЗӨВЛӨЛИЙН ГИШҮҮД, АЖЛЫН АЛБА ЧИНГЭЛТЭЙ ДҮҮРЭГТЭЙ ТАНИЛЦАХ, ХАРИЛЦАН ТУРШЛАГА СОЛИЛЦОХ УУЛЗАЛТ ЗОХИОН БАЙГУУЛЛАА

НАМРЫН МОД ТАРИАЛАЛТЫН НЭЭЛТИЙН ҮЙЛ АЖИЛЛАГАА БОЛЛОО Монгол Улсын Ерөнхийлөгчийн санаачлан хэрэгжүүлж буй “Тэрбум мод” үндэсний хөдөлгөөнийг хэрэгжүүлэх ажлын хүрээнд сумын хэмжээнд “Гурван сая” мод тарих ажлыг зохион байгуулан ажиллаж байна. Уг ажлын хүрээнд Сайншанд сумын Засаг даргын 2022 оны 01 дүгээр сарын 03-ны өдрийн А/01 дүгээр захирамжийн дагуу “Эко хот – 2022” зорилтот жил болгон зарласантай холбогдуулан “Бүх нийтээр мод тарих” өдрийг бүх нийтээрээ мод, бут, сөөг тарих ногоон байгууламжийг нэмэгдүүлэх ажлууд зохион байгуулагдаж намрын улирлын мод тариалалтын нээлтийн үйл ажиллагаа болж нийт аж ахуй, нэгж байгууллагууд намрын мод тариалалтын үйл ажиллагаанд оролцлоо.

САЙНШАНД СУМЫН 2022 ОНЫ ОРОН НУТГИЙН ХӨГЖЛИЙН САНГИЙН ҮЙЛ АЖИЛЛАГААНД ХЯНАЛТ ШАЛГАЛТ ХИЙЛЭЭ

Монгол Улсад шинэ Үндсэн хууль батлагдаж Нутгийн өөрөө удирдах байгууллага үүсэж хөгжсөний 30 жилийн ойг 2022 оны 09 сарын 19-ны өдөр тэмдэглэн өнгөрүүллээ. Ойн баярын хуралд урилгаар аймгийн Иргэдийн Төлөөлөгчдийн Хурлын дарга Б.Ганзориг, сумын Засаг дарга Ч.Түвшинтөр, үе үеийн төлөөлөгчид, багийн Иргэдийн Нийтийн хурлын дарга нар, хурлын нарийн бичгийн дарга нар зэрэг 100 гаруй төлөөлөгчид оролцлоо.

ХИЧЭЭЛИЙН ШИНЭ ЖИЛИЙН НЭЭЛТИЙН ҮЙЛ АЖИЛЛАГАА ЗОХИОН БАЙГУУЛАГДАЖ, ЧИНГИС ХААНЫ ЭШ ХӨРГИЙГ БОЛОВСРОЛЫН БАЙГУУЛЛАГАД НЭГЭН ЗЭРЭГ ЗАЛЖ ХҮНДЭТГЭЛ ҮЗҮҮЛЛЭЭ

САЙНШАНД СУМАНД ОРОН НУТГИЙН ХӨГЖЛИЙН САНГИЙН ХӨРӨНГӨ ОРУУЛАЛТААР 2022 ОНД ХИЙГДЭХ БҮТЭЭН БАЙГУУЛАЛТЫН АЖИЛД ХЯНАЛТ ШАЛГАЛТ ХИЙЛЭЭ

ИРГЭДИЙН ТӨЛӨӨЛӨГЧДИЙН ХУРЛЫН ТӨЛӨӨЛӨГЧДӨД ХҮНДЭТГЭЛ ҮЗҮҮЛЛЭЭ