2018 онд Дархан сумын 4 дүгээр багт улс, аймаг, орон нутгийн төсвийн хөрөнгө оруулалтаар олон ажил хийгдсэн байна. Тухайлбал,

- 8, 9 дүгээр байрны урд талын авто машины замыг шинэчлэн засварласан нь олон жил яригдаж иргэдийг бухимдуулж байсан тул иргэдийн талархалыг хүлээсэн ажил боллоо.

- Аймгийн ИТХ-ын төлөөлөгч Т.Ганболдын хөрөнгө оруулалтаар 4 дүгээр багийн 5, 6, 10, 14, 17 дугаар байруудад 12 ширхэг кодтой хаалга хийгдлээ.

- Төмөр замын вокзалын ард байрлах 11 дүгээр байрны урд хэсэгт авто машины зогсоол хийв.
- Хорооллын дундах авто замын нөхөөсний ажлууд хийгдэж 10, 11, 13, 17 дугаар байруудаа хамрууллаа.

- Иргэдийн цэвэр аюулгүй орчинд амьдрах нөхцлийг бүрдүүлж, хорооллын дунд 2 ширхэг зөөврийн чингэлэгэн хогийн сав нэмж байрлуулсан байна. 
- Энэ жилээс эхлэн 18-35 насны залуучуудын дунд “ 3х3” сагсан бөмбөгийн тэмцээнийг Багийн Засаг даргын нэрэмжит болгон зохиосон бөгөөд цаашид уламжлал болгохоор төлөвлөжээ.

- Төмөр замын вокзалын дэргэд олон жил иргэд гар дээрээс наймаа хийсэн. Иймд аймаг, сумын ИТХ-ын төлөөлөгч нар удаа дараа хүсэлт тавьсны үр дүнд энэ жил тус вокзалын дэргэд хүнсний павилон барьж, 11 сарын сүүлээр ашиглалтад оруулахаар ажиллаж байна. Ингэснээр 60 хүний ажлын байр бий болно.