Дархан-Уул аймгаас “Улсын аварга тариаланч” цол тэмдгээр Хонгор сумын тариаланч Н.Болдбаяр, “Улсын аварга малчин өрх”-өөр Хонгор сумын малчин Г.Ганболд, Шарын гол сумын Санжинт багийн малчин Х.Азоматын гэр бүл тодорчээ.

Аймаг, сумын эдийн засгийн гол тулгуур МАА, газар тариалангийн салбарт амжилт гаргаж, ашиг шимийг нэмэгдүүлэн, зорилтод бүлгийн өрхүүдийг дэмжин ажилласан аварга тариаланч, малчдад аймгийн ИТХ-ын дарга С.Насанбат, ХХААГ-ын дарга Т.Ганболд болон сумдын удирдлагууд өнөөдөр /2021.04.09/ шагналыг нь гардуулан өгч, баяр хүргэлээ.