Сайншанд сумын Иргэдийн Төлөөлөгчдийн Хурлын дарга болон Төлөөлөгчид 2025 оны 2-р сарын 19-ний өдөр сумын хэмжээнд үйл ажиллагаа явуулж буй багийн өрхийн эрүүл мэндийн төвүүдэд ажиллаж, тэдний үйл ажиллагаатай танилцлаа.
Энэхүү ажлын хүрээнд өрхийн эрүүл мэндийн төвүүдийн ажиллах орчин, эмч, ажилчдын хүрэлцээ, тоног төхөөрөмжийн нөхцөл байдал, иргэдэд үзүүлж буй эрүүл мэндийн үйлчилгээний чанар, хүртээмжийн талаар танилцлаа. Мөн иргэдэд тулгамдаж буй асуудал, эрүүл мэндийн тусламж үйлчилгээний хүртээмжийг нэмэгдүүлэх боломжийн талаар эмч, ажилчдын саналыг сонсов.
Цаашид өрхийн эрүүл мэндийн төвүүдийн үйлчилгээний хүртээмжийг нэмэгдүүлэх, иргэдийн эрүүл мэндийн боловсролыг сайжруулах чиглэлээр сургалт, мэдээлэл, урьдчилан сэргийлэх ажлуудыг өргөжүүлэхээр төлөвлөж байна.
