1998 онд Шведийн Төрийн бус байгууллага болох "Эцэг эхийн боловсролын олон улсын санаачилга" (Global Initiative to End All Corporal Punishment of Children) анхлан санаачилж, 4 дүгээр сарын 30-ныг “Хүүхдийг зодож шийтгэхийн эсрэг олон улсын өдөр” болгон дэлхий даяар тэмдэглэж эхэлсэн.

Яагаад энэ өдрийг тэмдэглэх хэрэгтэй вэ?

Бие махбодын шийтгэл болон сэтгэл зүйн дарамт нь хүүхдийн хөгжлийг доройтуулах, сөрөг нөлөө үзүүлэх аюултай.

Хүүхдийн эсрэг хүчирхийлэл нь тухайн хүүхдийн ирээдүйд сөргөөр нөлөөлж, нийгмийн бүх түвшинд хор хөнөөл учруулдаг.

Судалгаагаар, хайр халамжаар дүүрэн орчинд өссөн хүүхдүүд илүү өөртөө итгэлтэй, боловсролтой, нийгэмд эерэг хандлагатай иргэн болдог.

Энэ өдөр юуг уриалдаг вэ?

Хүүхдийг бие махбодын шийтгэл, доромжлол, заналхийлэл зэрэг аливаа хүчирхийллээс ангид байлгах.

Эцэг эх, багш, асран хамгаалагчид хүүхдийг шийтгэх бус, ойлгуулан хүмүүжүүлэх арга барилыг хэрэглэх.

Хүүхдийн эрхийг хүндэтгэх, хамгаалах тухай ойлголтыг нийгэмд төлөвшүүлэх.

Монгол Улсад хэрэгжүүлж буй бодлого

Монгол Улс нь Хүүхдийн эрхийн тухай НҮБ-ын Конвенцид нэгдэн орсон бөгөөд хүүхдийн эсрэг хүчирхийллийг бууруулах, түүнийг таслан зогсоох зорилгоор хууль эрх зүйн олон арга хэмжээг авч хэрэгжүүлж байна. Тухайлбал, Хүүхдийн эрхийг хамгаалах тухай хууль, Гэр бүлийн хүчирхийлэлтэй тэмцэх тухай хууль зэргийг хэрэгжүүлж, олон нийтэд сурталчлан таниулах ажлыг зохион байгуулж байна.