Дорноговь аймгийн иргэдийн Төлөөлөгчдийн Хурлын Төлөөлөгчид, Сайншанд сумын иргэдийн Төлөөлөгчдийн Хурлын дарга, Төлөөлөгчид, “Иргэдээ сонсъё” арга хэмжээний хүрээнд 2026 оны 03 дугаар сарын 17-ны өдөр Засаг даргын Тамгын газрын албан хаагчид, Захирагчийн ажлын алба, сумын газрын даамал, Сайншанд тохижилт үйлчилгээний газартай хамтран Сайншанд сумын 1 дүгээр багт ажиллалаа.

Тус ажлын хүрээнд багийн нутаг дэвсгэрээр явж, нөхцөл байдалтай газар дээр нь танилцан , тулгамдаж буй асуудлуудыг бодит байдал дээр нь үнэлж дүгнэн, үүрэг чиглэл өгч ажиллалаа.

Мөн тус багийн иргэдтэй уулзалт зохион байгуулж, тулгамдаж буй асуудлыг нь сонсож, санал хүсэлтийг нээлттэй хүлээн авлаа.

Уулзалтын үеэр ирүүлсэн гол саналууд:

Зам талбай: Нийтийн эзэмшлийн зам, талбайн засвар, арчлалтыг сайжруулах

Хог хаягдал: Хог хаягдлын менежментийг боловсронгуй болгох

Гэрэлтүүлэг: Гудамжны гэрэлтүүлгийг нэмэгдүүлж, оройн цагаар аюулгүй зорчих нөхцөлийг бүрдүүлэх

Ажил эрхлэлт: Иргэдийг ажлын байранд зуучлах

Сайншанд сумын иргэдийн Төлөөлөгчдийн Хурлын дарга иргэдээс ирүүлсэн санал, хүсэлтийг нэгтгэн судалж, холбогдох шат шатны байгууллагад уламжлан шийдвэрлүүлэх, цаашдын үйл ажиллагаанд тусган хэрэгжүүлэх чиглэлийг холбогдох албан тушаалтнуудад өгч ажиллалаа.