Дархан-Уул аймгийн Стандартчилал хэмжилзүйн газрын даргын тушаалаар батлагдсан ажлын хэсэг “Дарханы Дулааны цахилгаан станц” ТӨХК-д ажиллав.
Уг ажлын хэсэгт тус хэлтсийн Баталгаажуулалтын албаны дарга Б.Баярбаатар, Хэмжилзүйн албаны дарга Н.Түмэнцэцэг нар “ДДЦС” ТӨХК-ийн үйл ажиллагаанд чанарын удирдлагын тогтолцоо MNS ISO 9001:2010, MNS ISO 19011:2003, MNS ISO 17021:2013 стандартууд, “Удирдлагын тогтолцооны баталгаажуулалтын журам”-ын дагуу аудит хийжээ. Тус станцад нийт 15 чанарын дугуйлан ажиллаж байна.
Дугуйланг санаа нийлсэн 4-10 хүн сайн дураар нийлж нэг чанарын дугуйланг байгуулж ийм юмыг ингэж хийж ийм үр дүнд хүрч сайжруулна гэж санаа гаргаж түүнийгээ гүйцэтгэснийхээ дараа ажлаа дүгнүүлдэг, дугуйлангууд нь жигд ажиллаж хэвшсэн зэрэг нь чанарын үзүүлэлтээр амжилт гаргах нөхцөл болсон аж.
Б.Норовсамбуу